Albert Alberts is ’n NG lidmaat, ’n afgetrede onkoloog en gelowige.

Hy is ook die seun van die bekende Louw Alberts. Louw Alberts was ’n fisikus en kerkman. Volgens Albert het sy pa, Louw, intelligente ontwerp voorgestaan en geglo dat die aarde miljarde jare oud is. Hy is in 2013 oorlede.

In ’n onderhoud met Neels Jackson (Evolusie – Is dit werklik hoe God ons gemaak het?), verduidelik Albert Alberts wat hy oor God en evolusie glo:

• Hy is ’n teïstiese evolusionis. Hy glo daar is ’n persoonlike God. God het die mens geskape en het die meganisme van evolusie gebruik. Hy is die een wat die proses begin en voleindig.
• Anders as sy pa, glo Albert Alberts dat lewe wel spontaan kon ontstaan. [Kommentaar: As dit waar is, wonder ’n mens wat God se rol in die skepping was. Was God enigsins nodig?]
• Ook anders as sy pa, glo Albert dat moderne genetika wel oorgangsvorme tussen verskillende spesies kan verklaar.
• Hy glo dat die oomblik toe die mens se brein ver genoeg ontwikkel was, kon mense begin reageer op God se liefde.

Kyk ook

• God skep self die evolusie-proses (21 Apr 2024)
• As Jesus by Kairos se sinode was (14 Mei 2023)
• Jesus en die owerspelige gay vrou (25 Apr 2022)
• Dieselfde genade (12 Feb 2018)
• Wanneer het jy gekies om nie gay te wees nie? (12 Okt 2017)
• Evolusie – Is dit werklik hoe God ons gemaak het? (9 Jun 2017)