Die as van die bose is ‘n naam wat gegee word aan die oënskynlike korrelasie tussen die vlak van die sonnestelsel en aspekte van die kosmiese mikrogolf-agtergrondstraling (KMA). Dit skep die indruk dat die aarde se ligging nie toevallig is nie, maar dat die aarde in die middel van die heelal is. Dit is ‘n afwyking van die Koperniese beginsel wat veronderstel dat nóg die aarde nóg enige ander planeet of hemelliggaam ‘n spesiale posisie in die heelal het.
Lawrence Krauss het in ‘n artikel[1] soos volg daarop gereageer:
The new results are either telling us that all of science is wrong and we’re the center of the universe, or maybe the data is simply incorrect, or maybe it’s telling us there’s something weird about the microwave background results and that maybe, maybe there’s something wrong with our theories on the larger scales.
In Afrikaans vertaal:
Die nuwe resultate sê óf vir ons dat die hele wetenskap verkeerd is en dat ons die middelpunt van die heelal is, óf miskien is die data bloot verkeerd, óf miskien sê dit vir ons dat daar iets vreemds aan die resultate van die kosmiese mikrogolf-agtergrondstraling is en dat daar miskien iets verkeerd is met ons teorieë op die groter skale.
Hierdie gedagte sluit aan by wat ander wetenskaplikes soos Edwin Hubble waargeneem het toe hy uit die rooiskuif van sterre agtergekom het dat ander sterrestelsels in konsentriese sirkels rondom die aarde is. Vir meer hieroor, kyk Ons is in die middel.
Voetnotas
[1] “The Energy of Empty Space That Isn’t Zero”. www.edge.org. 2006-05-07
Kyk ook
- As van die bose (kosmologie) (Wikipedia)