Wat is randkwessies?

Randkwessies is dinge:

• waaroor die Bybel nie duidelik is nie
• wat nie sonde is nie
• wat nie jou redding sal beïnvloed nie

Christene wat oor randkwessies verskil, kan ‘n mens as broers en susters in die geloof hanteer.

Die volgende is ‘n lys van teologiese kwessies gerangskik van krities tot randkwessie. Let wel dat hierdie lys bloot ‘n riglyn is. Dit is feitlik onmoontlik om so ‘n lys op te stel waaroor alle behoudende gelowiges sal saamstem.

Kernkwessies

1. Daar is ‘n god wat geskep het
2. God het homself aan mense openbaar soos dit tans in die Bybel opgeteken is
3. Die Bybel is akkuraat en duidelik, daarom moet ons die Bybel op sigwaarde lees
4. God is ‘n teïstiese god
5. God is ‘n drie-enige god: Vader, Seun (Jesus) en Heilige Gees
6. Jesus is een van die drie-eenheid
7. Die bestaan van die duiwel en die hel.
8. Adam en Eva was werklike persone wat met die sondeval dood en swaarkry in die wêreld ingebring het
9. Weens die sondeval het Jesus vir ons sondes kom sterf.
10. Jesus het liggaamlik opgestaan uit die dood
11. Jesus se koms is deur die profete in die Ou Testament voorspel
12. Jesus het 40 dae na sy opstanding na die hemel opgevaar
13. Jesus het wonderwerke op aarde gedoen
14. Jesus is maagdelik verwek
15. Redding is slegs moontlik deur Jesus
16. Ware bekering is nodig vir redding
17. Homoseksualiteit, seks buite die huwelik en egbreek is sonde

Grys area

18. Saul, Dawid, Salomo, ens was werklike historiese konings
19. Die uittog uit Egipte het werklik gebeur
20. Abraham was ‘n werklike historiese persoon
21. Daar was ‘n sondvloed met Noag
22. Tydens die toring van Babel het God verskillende tale geskep
23. Die sondvloed was wêreldwyd en twee van elke soort was in die ark
24. Die mense voor die sondvloed het werklik so oud geword soos in die Bybel genoem
25. God het alle diere volgens hulle soorte geskep. Hy het nie ‘n lang tyd van evolusie gebruik nie.

Randsake

26. Ouderdom van die aarde[1]
27. Die vrou in die amp
28. Die doop
29. Eskatologie (millennialisme vs amillennialisme)
30. Uitverkiesing

Notas

[1] Alhoewel die Bybel baie duidelik is oor die ouderdom van die aarde, word dit as ‘n randkwessie gelys slegs omdat dit nie soseer jou redding beïnvloed nie. Om die ouderdom van die aarde egter in twyfel te trek moet die Bybel baie anders geïnterpreteer word as wat dit duidelik sê. Die Bybel is baie duideliker oor die ouderdom van die aarde as oor die vrou in die amp, die doop, eskatologie en die uitverkiesing.

Hoe hanteer mens ander Christene wat verskil oor kernkwessies?

Christene wat oor randkwessies verskil, kan ‘n mens as broers en susters in die geloof hanteer. Hierdie kwessie is egter gewoonlik die kwessies wat verskillende kerkdenominasies van mekaar skei vir praktiese doeleindes.

Indien daar egter verskillende sieninge oor kernkwessies is, moet die paaie skei. Denominasies kan nie verskillende kernkwessies binne dieselfde denominasie huisves nie.

Bronne

• Are there side issues in Scripture? (creation.com)