Om krities solidêr te wees is om kritiek uit te spreek teen iets waaraan jy steeds verbind is of waartoe jy steeds lojaal is.
Byvoorbeeld mense wat geëmigreer het en wat Suid-Afrika kritiseer oor die dinge wat vandag gebeur, is nie krities solidêr nie, want hulle het nie meer ’n lojaliteit teenoor Suid-Afrika nie.
Dit word ook veral in kerktaal gebruik. Teologiese studente word aangemoedig om krities solidêr te wees. Met ander woorde, hulle kan die kerk kritiseer, mits hulle steeds deel van die kerk is en lojaal teenoor die kerk is. Moenie die kerk kritiseer nadat jy besluit het om die kerk te verlaat nie.
Krities solidêr is egter van akademiese belang. Indien iemand ’n instansie verlaat beteken dit nie dat dit verkeerd is om die instansie van buite te kritiseer nie. Dit is mos juis die rede hoekom die persoon in die eerste plek die instansie verlaat het. Wat wel waar is, is dat indien ’n mens aan ’n instansie behoort en daar is dinge waarmee jy nie saamstem nie, moet jy eers probeer om dit te verander waarmee jy nie saamstem nie. As daar geen ander uitweg is nie, dan is skeiding die enigste opsie.